Основното училиште „Димо Хаџи Димов” доби нови бојадисани училници и ходници, во кои учениците по пролетниот распуст, ја продолжија образовната програма од второто полугодие.

Пред почетокот на оваа учебна година, освежени беа и просториите во основните училишта „Петар Поп Арсов“, „Аврам Писевски“ и „Војдан Чернодрински“, во кои, како што информираат од Општината, е употребена посебна антиалергена боја за варосување.

Градоначалникот на Општина Карпош, Стевчо Јакимовски истакна дека очекува по ребалансот на буџетот, да се одобрат финансиски средства и за останатите училишта, и ова лето да се обноват сите десет училишта во Карпош.

Целокупниот трошок за потребите на бојадисувањето на ООУ ,,Димо Хаџи Димов” изнесува 3.500.000 денари. Со ребалансот на буџетот, се надевам дека ќе може да издвоиме уште средства за другите училишта и наредната година во зависност од тоа колку финансиски средства ќе имаме, да ги бојадисаме и останатите. Инаку, потребно беше комплет да се бојадисаат училиштата, бидејќи тие се целосно реконструирани во 2011-2012 и сега се навраќаме повторно по 12 години – рече Јакимовски.