Во Скопје продолжуваат полуфиналните борби за пласман во ФИБА Лигата на шампионите
Скопје го живее духот на кошаркарска Европа, по успешниот старт на турнирот, следуваат полуфиналните борби за пласман во кошаркарската Лига на шампионите.
Првиот натпревар на денешната програма е закажан за 18.00 часот, во него се соочуваат фаворизираниот Тофаш од Бурса, Турција и квалификантот од првиот натпреварувачки ден, романскиот Волунтари.
Волунтари одигра солиден натпревар во средата совладувајќи го англиски Лестер Рајдерс, но денешниот предизвик за нив е можеби меч на сезоната.
Од друга страна пак, доаѓајки од силната турска лига, Тофаш е секако главен фаворит на овој турнир и реалноста вели дека овој меч треба да биде само загревање за финалниот дуел кој ги очекува во недела. Дали со оваа реалност се согласуваат момците од Волунтари, ќе видиме по денешниот двомеч во спортскиот центар „Борис Трајковски“.
Победата над домашниот ТФТ го доведе германскиот Кемниц на мегдан со Фрибург. Одличните Швајцарци пристигнаа во Скопје по привилегијата да го прескокнат првиот меч од турнирот, но вечерва (21.00 часот) ги очекува несомнено квалитетен противник.
Меч без фаворит во кој се очекува врвна кошаркарска претстава од обете екипи и секако неизвесна завршница.