Во Њујорк почна судењето на продуцентот Харви Вајнстајн

Profimedia

Тој се брани од слобода и е обвинет за силување, сексуално вознемирување и злоставување. 

Судскиот процес против американскиот филмски продуцент Харви Вајнстајн, обвинет за сексуално злоставување и напади почна денеска во Њујорк.

Вајнстајн дојде на суд навреме, а првиот ден од судењето обично е посветен на технички работи. Петнаесетина жени се собраа пред судницата во Менхетен, вклучувајќи ја и американската актерка Розана Аркет, која тврди дека Вајнстајн сексуално ја нападнал.

Скандалот избувна на почетокот на октомври 2017 година кога Њујорк Тајмс првпат ги спомна обвинувањата на сметката на Вајнстајн. Подоцна, околу 80 жени, меѓу кои и актерките Гвинет Палтроу, Анџелина Џоли и Леа Сејду, го обвинија холивудскиот продуцент за сексуално вознемирување и злоставување.

Судскиот процес против Вајнстајн (67), кој рече дека ќе се докаже дека не е виновен, треба да трае шест недели.

Тој се брани од слобода и е обвинет за силување, сексуално вознемирување и злоставување.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот