Билборди со ликот на Милорад Додик, лидер на Сојузот на независни социјалдемократи, чиј мандат беше поништен од Централната изборна комисија на Босна и Херцеговина по конечната пресуда на Судот на БиХерцеговина, се поставени во неколку градови во ентитетот Република Српска, пренесува РСЕ.

Ниту една организација официјално не се прогласи за финансиер, а билборди се поставени во неколку градови како што се Бања Лука, Теслиќ, Добој, Сребреница и Козарска Дубица.

Пораките од билбордите во Бања Лука гласат: „Кога народот верува, се донесуваат пресуди. Додик ќе победи, Српска ќе победи!“

На 1 август 2025 година, Судот на БиХ ја потврди првостепената пресуда против Милорад Додик, со што таа стана конечна. Беше потврдено дека Додик е осуден на една година затвор и му е забрането да врши јавна функција во траење од шест години поради непочитување на одлуките на високиот претставник во БиХ.

Билбордите беа поставени по одлуката на Централната изборна комисија на БиХ да му го поништи мандатот како претседател на РС поради пресудата. Додик има право да поднесе жалба на оваа одлука на ЦИК, а конечната одлука ќе ја донесе Судот на БиХ.

Адвокатот на Додик утре ќе поднесе жалба против одлуката на ЦИК за одземање на мандатот на претседателот на РС