Роуч со 22. години играше во Лигата на шампионите со Манчестер јунајтед, а пет години подоцна ја заврши кариерата. На првиот настап во ЛШ, против Депортиво Ла Коруња, дел од соиграчите му беа Лоран Блан, Дарен Флечер, Рајан Гигс, Диего Форлан…
Но, денеска Роуч нема ништо со фудбалот, тој работи како водоинсталатер.
– Не жалам за ништо. Натпреварот против Депортиво ми беше трет натпревар за Јунајтед бидејќи претходно играв против Њукалс во Премиер лигата и во ФА Купот против Арсенал – вели Роуч.

Lee Roche, de la Champions a trabajar de fontanero https://t.co/t0ayJLd9Hh #PremierLeague pic.twitter.com/Rvi1Zs6X4H

— Fútbol Internacional (@MarcaFutbolint) March 24, 2021

Токму натпреварот во ЛШ против Депортиво му беше последен во дресот на Манчестер јунајтед, а потоа настапуваше и за Барнли, Рексам и Дројлсден за во 2011 година да се повлече од фудбалот.
– Сакам да кажам дека престојот во Јунајтед беше нешто неверојатно, можеби требаше повеќе да се дружам со играчите. По тренизите веднаш си одев дома за да се дружам со моите пријатели. Сека кога ќе се вратам на тој период и ги погледнам О`Шеј и Флечер, мислам дека требаше да бидам како нив, да се дружев со останатите ќе поминев многу подобро во Јунајтед – додава Роуч.

Тој вели дека сега кога е квалификуван водоинсталатер кој има своја фирма, често добива прашања за Манчестер јунајтед. Исто така е тренер во младинските категории во Бјури.
– На градилиште некои колеги ме прашуваа за Јунајтед и како завршив тука. Знае да биде напорно, но секако нема да зборувам на глас дека сум играл за Манчестер јунајтед. Мислам дека младите треба да се натераат да учат нешто друго освен фудбалот за да можат да се адаптираат на реалниот свет. Мислам дека голем број од фудбалерите немаат никаков план кога ќе се повлечат од фудбалот.