Во Италија никако да се договорат за продолжување на Серија А, екипите се заканија и со штајк
Состанокот на кој присуствуваа претставници на Фудбалската федерација на Италија, Серија А и на Владата, повторно заврши без конкретен заклучок и протоколот за враќање на фудбалот е вратен на доработка.
Како што известува Скај Италија, ниту денешниот состанок на ФИГЦ, Серија А и на лекарите не даде никави резултати, а камен на сопнување е карантинот, односно доколку еден фудбалер биде позитивен на коронавирус, тогаш целата екипа ќе мора да оди во изолација и кривичната одговорност.
Да биде иронијата поголема, екипите се заканија со штрајк доколку Владата не промени две точки во протоколот.
Првата е укинувањето на задолжителниот карантин на целата екипа доколку еден играч биде позитивен на коронавирусот, а втората е гаранција дека лекарскиот тим и челниците на екипата нема кривично и правно да одговараат доколку некој се зарази од ковид-19.
Се очекува измените во протоколот да бидат направени во текот на денот бидејќи за вечерва е закажана средба помеѓу италијанскиот министер за спорт, Виченцо Спадафора и претседателот на ФИГЦ, Габриеле Гравина.