Во еден ден Србија остана без 15.000 парчиња оружје
Во центарот за рециклажа во Железник денеска биле уништени околу 15.000 парчиња оружје, со што е продолжен процесот на уништување на оружје кое српското министерство за внатрешни работи, го спроведува веќе неколку години.
– До сега се уништени повеќе од 100.000 парчиња оружје. Денеска се уништени околу 15.000 парчиња оружје, од што 14.000 од нив биле собрани од министерството за внатрешни работи во различни постапки – кривични, прекршочни или управни. Се ова не би било можно без соработка со партнерите, во прв ред со Европската унија и УНДП – рекол помошникот министер за внатрешни работи, Жељко Веселиновиќ, кој присуствувал на настанот.
Координаторот на проектот Јелена Бујаковиќ од УНДП ја истакнала значајноста на овој настан, кој како што таа порачала, допринесува на активностите кои српското министерство за внатрешни работи ги спроведува во согласност со националната стратегија.