500 нови дрвја и садници, нова хидрантска мрежа и тревник, 2 нови спортски игралишта, 2 нови детски игралишта, 2 паркови површини за миленици, како што соопштија од Град Скопје, ќе има во мега паркот во Чаир кој ќе се протега на површина од 30.000 метри квадратни.

На просторот на ул.„Македонско косовска бригада” од крстосницата со „Втора Македонска бригада” до крстосницата со „Џон Кенеди” дополнително е предвидена изведба на фитнес дел, 26 нови летниковци, нови урбана опрема, пешачки патеки и фонтани.

„Со тоа паркот ќе биде место кое ќе придонесе за подобар квалитет на животот, животната средина и ќе биде катче во кое жителите ќе имаат содржини за прошетка и рекреација во слободното време”, велат од Град Скопје.

Оттаму додаваат дека ова е една од бројните мерки кои меѓусебно се надополнуваат, Скопје да го решава долгорочно предизвикот со загадувањето.

Изборното ветување беше дека мега паркови ќе се градат во Гази Баба, Аеродром и Кисела Вода, а во завршна фаза е паркот во Ѓорче Петров.