ВО АВИОНОТ НА ДАЧИЌ УДРИ ГРОМ: Експлозија и блесок, огромна драма на небото!
Големото невреме кое ги зафатило Словенија, Хрватска и БИХ за малку ќе било фатално за министерот за надворешни работи на Србија, Ивица Дачиќ.
Дачиќ летал со авионот Фалкон во Блед, кога одеднаш над Љубљана удрил гром во леталото, околу 22 часот и 50 минути.
Ударот на молњата предизвикал голема паника, но за среќа во овој инцидент немало тешки последици, бидејќи пилотот слетал на најблискиот аеродром во Словенија. Дачиќ го продолжил патот до Блед, каде учествува на Стратешкиот форум.
„Се слушна мала експлозија, се виде блесок. Но не ни може никој ништо“, ексклузивно за Курир.рс изјави Дачиќ.
Во невремето кое го зафатило западниот дел на Балканскиот полуостров за само два часа се забележани 20.000 громови, а еден удрил во авионот во кој се наоѓал Дачиќ.
За потсетување ова не е прв пат министерот на Србија да доживее непријатност. Кон крајот на мај над небото на Грција му се расипал истиот авион во кој се наоѓал Дачиќ и морал итно да слета во Атина и тоа во рок од 15 минути!