Жестоките борби меѓу авганистанските безбедносни сили и талибанските бунтовници продолжија по тридневниот прекин на огнот, на кој се придржуваа двете страни за време на муслиманскиот празник Бајрам, соопштија локалните властите.

Безбедносните сили почнале со операции во областите во близина на Лашкар Гаха, главниот град на јужната провинција Хелманд, во кои биле убиени 34 бунтовници, се вели во соопштението на началникот на покраинската полиција.

Во северната провинција Баглан, безбедносните сили убиле 25 бунтовници во областа Баглан Маркази, се вели во соопштението на Министерството за одбрана.

Во областите во близина на главните градови на провинциите Хелманд и Баглан се водеа жестоки борби пред тридневниот прекин на огнот.

Талибанците не ги коментираа нивните жртви, но рекоа дека продолжиле со бунтот.

Авганистанските власти соопштија дека Талибанците ги засилиле нападите откако Вашингтон објави планови за повлекување на сите американски трупи до 11 септември.