Турските власти го прогласија кошаркарот Енес Кантер за терорист
Турскиот кошаркар Енес Кантер Фридом се наоѓа на листата терористи кои се бараат од турското министерство за внатрешни работи. Владата дава награда од 490.000 евра за секој кој ќе обезбеди информација која ќе помогне во неговото апсење.
Кантер често пати во минатото зборуваше дека е во конфликт со претседателот на Турција, Ердоган и неговиот режим во државата. Сега тој се наоѓа на листата барани терористи, а пасошот му е одземен уште во 2017 година. Тогаш претставниците на турските власти се обидоа да се изборат за негово испорачување од Романија.
„Оваа ситуација е многу опасна. Пред да понудат пари за за мое апсење бев баран од турските оперативци. Сега скоро сите ќе ме бараат поради наградата која е ветена“, изјави 30-годишникот.
Кантер смета дека Ердоган води нехумана политика со заплашување и малтрерирање на луѓе кои не мислат како него. Во слична позиција како Кантер се наоѓа поранешниот фудбалер Хакан Шукур. Последниот инцидент се случи неодамна кога турскиот коментатор Алпер Бакирчигли доби отказ затоа што во ТВ преност за време на Мундијалот го изговори името и презимето на Шукур.
„Не станува збор само за мене, има толку многу невини новинари, академски граѓани, спортисти, активисти и едукатори кои се на таа листа. Сега нивните животи се во опасност поради турските власти. Се надевам дека светот ќе препознае што се случува и ќе му се спротистави на Ердоган“, изјави кошаркарот.