Под мотото „Штедиме заедно денес за да имаме за утре“, Владата почнува кампања за заштеда на електрична енергија.

– Според сознанијата, енергетски ефикасните светилки заштедуваат и до 90 проценти електрична енергија во однос на другите светилки. Со вклучувањето на затоплувањето на 22 место на 25 Целзиусови степени, може да се направи заштеда од 10 проценти. Краткото туширање штеди и вода и струја. Според експертите, со мерки за енергетска ефикасност може да се заштеди и до 50 отсто на сметките – рече на прес конференцијата портпаролот на Владата Душко Арсовски.

На видеото, како дел од кампањата, што промотивно беше пуштено во Владата беше потенцирано дека 15 отсто од потрошената струја оди на осветлувањето. Затоа, навидум со мали чекори и менувања на навики, може да се направи многу за заштедата на електричнаат енергија.
Во Владаат беше потенцирано и дека институциите се држат до планот и заштедата на електричната енергија е околу 20 проценти.