Вечерва зградата на Владата свети во сино, во знак на 2 април Светски ден за подигање на свеста за аутизмот, пишува премиерот Димитар Ковачевски на официјалниот Фејсбук-профил.

Давам неизмерна поддршка и почит кон лицата со аутизам, нивните родители, семејства, пријатели, наставници, соученици. Како Влада се залагаме да обезбедиме системски решенија за грижа за децата и возрасните со аутизам. Не сме сите исти, ниту по физички изглед, ниту по карактер, но сите во оваа држава имаат исти права, вели Ковачевски.

„Да ги прифаќаме различностите, секој е различен и посебен на свој начин.“, порача тој.