Вкусови што се памтат: Хрватска кујна – Сплитска торта (РЕЦЕПТ)
Мирис на тазе печена Личка погача со кисело млеко, или можеби мирис на домашен леб со пченка, пршута и маслинки. Мирис на манџа со зелка и колбаси, сарма или колбас, солени сардини, пастикада и уште многу специјалите кои потсетуваа на прекрасната хрватска кујна.
Денес на мени е едно неверојатно слатко задоволство познато како спилтска торта која е полна со суво овошје, а има неодолив кремаст вкус.
Состојки:
Кора:
– 10 белки
– 10 лажици шеќер
– 200 г ореви (може и бадеми)
– 200 г суви смокви
– 200 г суво грозје
– 4 лажици брашно
Крем:
– 10 жолчки
– 10 лажици шеќер
– 180 г путер
– 50 г чоколадо
– 1 лажица масло
– малку млеко
Подготовка:
Во подлабок сад изматете ги белките заедно со шеќерот во цврста шлаг пена. Оревите, смоквите и сувото грозје ситно исечкајте и измешајте со брашното а потоа додадете ги во садот со изматените белки и убаво измешајте. Соединетата смеса истурете ја во плех од шпорет покриен со хартија за печење и ставете во рерна загреана на 180. степени. Печете околу 20. минути.
Испеченото тесто оставете го неколку минути во тавата па извадете со хартијата и оставете на страна да се излади.
Крем: Во подлабок сад преостанатите 10 жолчки жолчките изматете ги со шеќерот и варете на пареа додека не добиете густ крем. На изладениот крем додајте го пенесто изматениот путер и се добро соединете.
Кората исечете ја на три ленти и ставајте на чинија за служење и филувајте. Кора, па фил, се до последната која и потоа целата торта намачкајте ја со преостанатиот фил.
Во мала тава ставете маслку масло и 50 грама чоколадо кое отккао убаво ќе се стопи прелијте ја тортата.
Добар апетит!
Вкусови што се памтат: Хрватска кујна – Личка погача (РЕЦЕПТ)