Вкусови што се памтат: Хрватска кујна – Рударска греблица (РЕЦЕПТ)
Во 2007 година, хрватското Министерство за култура прогласи подготовка на рударскa греблица за нематеријално културно богатство. Подготовката на оваа „тенка торта“ е поврзана со историјата на рударството во Руде, во близина на Самобор.
Отпрвин тоа беше вообичаен оброк за рударите, а со текот на времето прерасна во солена колач именувана по традиционалната дрвена алатка – гребло.
Најпознат рецепт е оној со сирење, а потоа со сирење и ореви, сирење и спанаќ, блитва или коприва.
Во Руде, правењето на традиционалната хрватска греблица се пренесува од генерација на генерација, а традиционална фолклорна манифестација во Руде на почетокот на јули беше именувана во нејзина чест.
Состојки:
– 50 грама брашно
– 1 коцка квасец
– 2,5 дл млеко
– 1 лажичка шеќер
– 1 лажица масло
– 500 грама свежо кравјо сирење
– 2 јајца
– сол по вкус
– 2 дл кисела павлака
Подготовка:
Активирајте го квасецот со малку млеко, лажичка шеќер и малку брашно.
Измешајте го квасецот со брашното, млекото, шеќерот, солат и маслото.
Во меѓувреме, измешајте ги и сите состојки за фил во посебен сад, како сирењето, јајцата и солта.
Убаво замесеното тесто расукајте го во подебела кора двојно поголема од големината на тепсијата за печење
Поставете ја едната половина од кората во тепсијата за печење и ставете фил по целата површина.
Потоа поклопете ја со другата страна од кората и во виљушка прицврстете ги краевите да не истече филот. Откако убаво ќе затворите одозгора намачкајте со киселата павлака.
Печете на 200 ° C околу 20 минути. Се служи додека е топла.
Добар апетит!
Вкусови што се памтат: Хрватска кујна – Личка погача (РЕЦЕПТ)