Кошаркарите на Њујорк со победа од 105:95 над Сан Антонио го отворија финалето на НБА лигата и направија исчекор кон освојување на шампионската титула.

Домаќините имаа подобар почеток и во најголемиот дел од првото полувреме го контролираа резултатот. Сепак, гостите успеаја да останат во игра, па на паузата Сан Антонио замина со предност од 55:48.

Во продолжението следуваше сосема поинаква слика на теренот. Спарси целосно го загубија ритамот, а Никси најпрво ја стопија разликата во третата четвртина, по што во последниот период направија пресврт и сигурно ја зачуваа предноста до самиот крај.

Најзаслужен за триумфот беше Џејлен Брансон со 30 поени, додека одлична поддршка доби од Карл-Ентони Таунс, кој натпреварот го заврши со 18 поени и 12 скока. Кај Сан Антонио, единствено расположен беше Виктор Вембањама, кој запиша 26 поени и 12 скока.

Вториот натпревар од финалната серија ќе се одигра во ноќта меѓу петок и сабота со почеток во 2:30 часот, а домаќин повторно ќе биде Сан Антонио.