Вкусот и мирисот ќе ве вратат во детството: Рецепт за посни лепињи што се печат во тава
Посните лепињи на тава ќе го привлечат вниманието и на оние кои не постат, бидејќи ќе ги воодушеват со вкусот и мирисот што ќе ги врати во детството.
Препорачано
Иако звучи неверојатно, овие лепињи се готови за кратко време, а резултатот е лепче кое е крцкаво однадвор и меко одвнатре. Друга предност е што се печат во тава, па нема многу неред во кујната.
Состојки:
– околу 500 г брашно
– 1 ќесичка прашок за пециво
– 1 лажичка сол
– чаша ладна вода (додадете по потреба)
– 3 лажици масло, малку за тавата
Подготовка:
Измешајте го брашното со прашок за пециво и сол, потоа додадете масло и постепено налејте вода. Месете додека не добиете мазно и меко тесто. Оставете го да отстои 15-20 минути, а потоа поделете го на помали топчиња.
Загрејте ја тавата и лесно намастете ја за да ја подготвите површината. Обликувајте го секое топче во лепче и печете, покриено, околу две минути од секоја страна, додека лесно не порумени. Повторете ја постапката со сите лепињи.
