Специјалниот американски пратеник Стив Виткоф изјави дека делегациите од САД, Украина и Русија денес се согласиле да разменат 314 затвореници што е прва таква размена за пет месеци, јавуваат медиумите.

 „Денес, делегациите од САД, Украина и Русија се согласија да разменат 314 затвореници, што е прва таква размена за пет месеци“, напиша Виткоф на платформата X.

Today, delegations from the United States, Ukraine, and Russia agreed to exchange 314 prisoners—the first such exchange in five months.

This outcome was achieved from peace talks that have been detailed and productive. While significant work remains, steps like this demonstrate…

— Special Envoy Steve Witkoff (@SEPeaceMissions) February 5, 2026

Американскиот дипломат не откри колку затвореници ќе размени секоја земја.

Мировните преговори продолжуваат

Ова беше постигнато во мировни преговори кои беа детални и продуктивни. Иако останува значајна работа, чекори како овој покажуваат дека континуираниот дипломатски ангажман дава опипливи резултати и ги зајакнува напорите за завршување на војната во Украина“, додаде тој.

Главниот преговарач на Киев во среда, исто така, го прогласи првиот ден од новата рунда разговори во Абу Даби за „продуктивен“, иако судирите на фронтот продолжуваат.

Виткоф објави дека разговорите продолжуваат и дека се очекува понатамошен напредок во наредните недели, објави Ројтерс.