Бразилскиот фудбалер Винисиус Жуниор (25) би можел да го напушти Реал Мадрид ова лето откако преговорите за нов договор се заглавени.

Според англискиот портал TeamTalk, главниот проблем е разликата во финансиските очекувања, напаѓачот бара повисока плата од Килијан Мбапе, додека клубот му нуди околу 18 милиони евра годишно, а тоа Бразилецот го одбива.

Иако има важечки договор до 2027 година, Реал е подготвен да размисли за продажба за да не ризикува играчот да влезе во својата последна година без продолжување. Постои голем интерес, првенствено од Премиер лигата, а се споменуваат Манчестер јунајтед, Манчестер сити, Арсенал, Челси и Ливерпул.

Неговиот агент наводно веќе водел разговори со неколку клубови, па еден од најголемите трансфери на летото би можел да биде на повидок.

Винисиус постигна 11 гола и имаше пет асистенции во шпанското првенство оваа сезона, а запиша по пет гола и асистенции во Лигата на шампионите.