Се што е засаденo е уништено во тетовското село Раотинце, реката Вардар го сотре сиот земјоделски род откако вчера се излеа од коритото.

Има поплавено домови, а водостојот на Вардар е на ризичната квота.

Земјоделецот Флоре Митревски вели дека целата површина што ја засадил, му е под вода.

„И пред два месеци имаше тука поплави, ги засадивме нивите, но сега пак засаденото е под вода и да се исуши земјата, доцна е да се сади. Оваа сезона нема ништо од земјоделието. Ќе остане и добитокот гладен оти и голем дел од залихите со сточна храна се уништени по излевањето на Вардар. Ливадата која ја косевме се е фрлено, во мои 70 години само еднаш државата ни дала помош“, вели земјоделецот Флоре Митревски.

Од месната заедница Раотинце, велат дека штетите се големи, но допрва треба да се утврди што се е уништено откако ќе се повлече реката.

Градоначалинкот на Општина Јегуновце Димитар Костадиновски, решение гледа во регулација на коритото на реката

„Ние како општина немаме средства, а властите се помалку војла, а ретко и кога мештаните се обештетуваат. Владата до го земе ова во предвид, да ги земе нашите барања за обештетување, да најде можност да ги обештети мештаните, дека по затворањето на Југохром, овие села се занимаваат претежно со земјоделие“, вели градоначалникот на Општина Јегуновце Димитар Костадиновски.

Проектот регулација на коритото на Вардар предвидува заштитни ѕидови и насипи долж критичните места на реката, но досега немало никакви активности на терен за негова реализација.

ВИДЕО: Се излеа Вардар кај тетовското село Раотинце, поплавени се куќи и ниви