Денес е 14 ноември, интернационалниот ден на дијабетичарите. „Слободен печат“ ги праша граѓаните дали знаат дека денес е Светскиот ден на дијабетесот? Повеќето од нив одговорија дека не знаат, но сретнавме и дијабетичари кои ни ги споделија нивните искуства и потешкотиите со снабдување со лекови за дијабетес.

– Вака лично, не познавам некој што е дијабетичар, но претпоставувам дека имаат некои предизвици во поглед на терапија и слично, со оглед на другите состојби, каква е состојбата во здравството, верувам дека е така – рече една случајна минувачка.

– Јас не чувствувам голем проблем бидејќи моите ќерки – поголемата е лекар, па таа ме снабдува од Турција, така што јас лично не, ама гледам дека други луѓе имаат голема потреба и би требало конечно, не само за дијабетичарите, туку за сите, да се набават споодветните лекови. Навистина, ова што се случува во здравството е за секоја критика – изјави една повозрасна госпоѓа за „Слободен Печат“.