Фотографија од убиена видра во црногорското место Жабљак предизвика гнев и згрозеност на социјалните мрежи, откако само еден ден претходно симпатичното животно, кое веројатно заталкало меѓу луѓето, беше снимено како се движи низ дворовите во Жабљак.

„Вчера е направена досега ретко видена снимка на видра која од блиското Црно Езеро, дошла во градската населба. Денеска се појави фотографија од истата таа видра, убиена и фрлена покрај отпад. Можно ли е да постои некој кој пред својата куќа убил заштитено животно, потполно безопасно за луѓето и нивните домаќинства, од чист лошотилак? Ги повикувам сите институции задолжени за заштита на заштитените животински видови, што побрзо да го процесираат ЗЛОСТОРНИКОТ кој ова го направил, се надевам дека ќе заврши во затвор или во некоја установа“, вели Владе Бојовиќ, кој на социјалните мрежи ја објави фотографијата од убиената видра.

Според биолозите, видрите се многу значајно животно за зачувување на животната средина и биодиверзитетот, а тие на никаков начин не им штетат на луѓето.