Глувци и стаорци роварат во студентскиот дом „Пелагонија“, каде се „раскомотиле“ и стигнале и до повисоките катови од зградата, се жалат станари во домот во скопската населба Кисела Вода.

Студентите велат дека повеќепати пријавувале кај управата, но оттаму добивале потценувачки и иронични одговори – надлежните им велеле дека не треба да се плашат и дека глувци таму имало отсекогаш.

Покрај тоа што се жалат дека во домот топла вода речиси и да нема, греењето е конечно пуштено, но недоволно, студентите велат дека „капак“ на сè им се глувците со кои мораат да го делат и онака супстандардното сместување.

Тие ни испратија и снимка на која се гледа како глодачите се активни во плафонот во една од бањите во студентскиот дом.

Во Скопје глувците и стаорците беа актуелни неодамна, кога поради повеќемесечната блокада на комуналните служби на Град Скопје, градот беше преплавен со ѓубре, па експертите предупредуваа дека е можно да се случат не само епидемии на заразни болести, туку и намножување на глувци.

Натегањето врз грбот на скопјани заврши со најавената мегаакција за чистење на главниот град во организација на новиот градоначалник Орце Ѓорѓиевски.

ВИДЕО: Стаорци големи колку мачки роварат околу Владата