ВИДЕО | Во Турција откриен најстариот мозаик во светот: Настанал пред 3.500 години!
Во турската централна провинција Јозгат во Турција е откриен најстариот мозаик во светот, направен пред 3.500 години.
Мозаикот, кој се состои од 3.147 камења со димензии три со седум метри, е пронајден во Усакли Хојуку во округот Соргун, каде што површинските истражувања започнаа во 2008 година, а ископувањата во 2012 година, јавува Агенција Анадолија.
Заедничките ископувања ги изведуваат Генералната управа за културно наследство и музеи, Универзитетот Бозок и Италијанскиот универзитет во Пиза, рекол Хусеин Чифтчи, покраински директор за култура и туризам. Според Чифтчи, мозаикот е постар од оние откриени во Грција.
Доц. д-р Анаклето Дагостино од Универзитетот на Пиза и предводник на тимот за ископувања, смета дека мозаикот е од 16. век пр.н.е.
– Научните испитувања покажаа дека мозаикот е прв ваков во историјата. Мозаичниот калап го потврдува ова, бидејќи е доста оригинален. Планираме да го вклучиме ова место во туристичките понуди – рекол Чифтчи.
Мозаикот е стара добро позната техника на сликање, којашто се изведува со редење шарени, повеќе или помалку доследно наредени коцки од камен, обоено стакло или ќерамика.
