Снимки се споделуваат на социјалните мрежи од изливи на радост и прослава во Техеран по објавувањето на смртта на ајатолахот Али Хамнеи, врховниот водач на Исламската Република Иран, кој загина во израелско-американските напади денеска.

Во Техеран се слушаат извици на радост и ракоплескање откако две израелски телевизиски станици објавија дека Хамнеи е убиен. Ајатолахот не е омилен во дел од јавноста во Иран, особено по крваво задушените демонстрации од минатиот месец, во кои владините сили убија илјадници граѓани кои протестираа против теократскиот режим.

Исто така, париски „Монд“ вечерва беше објавено дека фотографија од телото на убиениот ирански врховен лидер им била прикажана на израелскиот премиер Бенјамин Нетанјаху и на американскиот претседател Доналд Трамп. Трамп во објава на својата социјална мрежа ја потврди веста за смртта на Хамнеи.

Жителите на Техеран аплаудирале од своите прозорци, а гласни извици се слушнале по 23 часот по локално време, на улиците на неколку населби во главниот град на Иран, објавија очевидци.

Ирански активист по име Вахид објави неколку видеа од Техеран на кои се гледаат извици на радост во градот.

„Населението се радува по веста за смртта на Али Хамнеи“, напиша активистот на својот профил на Телеграм.

BREAKING:

In Tehran, people are cheering and celebrating amid reports of Khamenei’s death. pic.twitter.com/KfauCNdON8

— Visegrád 24 (@visegrad24) February 28, 2026

ВИДЕО+ФОТО | Тел Авив е во пламен, луѓето во паника бегаат од израелскиот главен град