Во вторникот во раните утрински часови, околу 2.55 часот, на улицата „Колодворска“ избувнал пожар во автомобил сопственост на сараевскиот рапер Амар Хоџиќ, попознат како Буба Корели, дознава босанскиот портал „Кликс“.

Како што потврдиле од Министерството за внатрешни работи на кантонот Сараево, Буба Корели пријавил во надлежната полиција дека дошло до оштетување на неговиот автомобил и дека од пожарот биле оштетени левиот ретровизор и левата врата од автомобилот.

U toku noći zapaljen automobil Bube Corellija#bubacorelli #auto pic.twitter.com/OOmRaK5KL8

— Radio Sarajevo (@radiosarajevo) March 26, 2024

За сè е информирано Кантоналното обвинителство КС, кое го окарактеризирало ова дело како „предизвикување општа опасност“.

Сепак, пожарникарите не излегле на терен, се претпоставува дека пожарот не бил од големи размери.

Да потсетиме, ова не е првпат Буба Корели да се најде во ваква ситуација. Во 2021 година исто така му изгоре автомобилот, а се сомневаше дека се работи за подметнат пожар.