Фудбалерите на Реал Мадрид славеа на домашен терен со 3:0 против Манчестер сити во првиот натпревар од осминафиналето во Лигата на шампионите.

Најзаслужен за победата на шпанскиот клуб беше уругвајскиот интернационалец Федерико Валверде кој реализираше хет-трик за само едно полувреме.

Реал ја обезбеди победата веќе во првите 45 минути, а Валверде стрелаше три пати во 20, 27 и 42 минута.

Со истиот резултат триумфираше и норвешкиот Бодо/Глимт кој пред своите навивачи го совлада Спортинг од Португалија.

Првите два гола за домаќините беа дело на Фет од пенал во 32 минута и Бломберг непосредно пред паузата (45+2`). Конечниот епилог го постави Хог по асистенцијата на Хауге во 71 минута.

ПСЖ беше убедлив дома над Челси со 5:2, Баркола донесе водство за Французите во 10 минута, а лондонските „сини“ израмнија преку Густо во 28 минута.

Предноста за домашната екипа ја врати Дембеле во 40 минута, а за нов егал се погрижи Фернандез (57`).

Триумфот за париските „светци“ Витиња во 74 минута, и Кварецхелија кој двапати се запиша во листата на стрелците во 86 и 94 минута.