Фудбалските стадиони во Македонија не можат да се пофалат со голема посетеност, а реткост е да се види поголема бројка гледачи и на натпревар од Трета лига. Сепак викендов ни пристигнува една интересна сцена од Третата лига – Исток.

Имено, на локалното дерби помеѓу Ударник Пирава и Победа Валандово трибините беа преполни. Се собраа над 1.000 гледачи, бројка што е недостижна и за најголем дел од натпреварите во прволигашка конкуренција.

Кога е конечниот резултат во прашање, средбата заврши 0-0, но одличната атмосфера не изостана.

„ФК Ударник Пирава уште еднаш покажа како се организира вистински фудбалски спектакл. Организацијата беше на врвно ниво, а атмосферата на трибините беше таква што можат да позавидат и многу екипи од Прва лига“, објавија од редовите на домаќините.