За убиството на нејзините родители, кои ладнокрвно ги застрелала, во САД е уапсена 28-годишната трансродова жена Миа Бејли, која на полицајците кои и ставиле лисици по бркотница им рекла: „Ќе го направам тоа пак, ги мразам“.

Според соседите на семејството, често имало кавги и тепачки меѓу 28-годишната трансродова жена и нејзините родители откако решила да го промени полот.

Двојното убиство се случило во Јута при што Бејли признала дека отишла во куќата на нејзините родители решена да ги убие.

28-годишната девојка пукала и во нејзиниот брат, кој бил зад заклучена врата и на крајот успеал да побегне известувајќи ги властите за бруталното злосторство.

Полицајците кои пристигнале во домот на семејството Бејли ги пронашле 70-годишниот Џозеф и 69-годишната Гејл мртви во дневната соба, со неколку празни чаури до нив.

По злосторството Бејли побегнала со жолт автомобил и кога наишла на полицајците извадила пиштол, им се заканувала и продолжила со бегството.

На крајот специјалните полициски сили ѝ влегле во трага на околу седум милји од нејзиниот дом и ја принудиле да се предаде.