Операцијата за иселување на тројца луѓе, двајца браќа и сестра, од селска куќа кај Верона, Италија, завршила трагично кога, додека полицајците ја отворале вратата, се случила огромна експлозија од гасот со кој станарите го наполниле објектот.

Во инцидентот загинаа тројца карабинери, а 15 карабинери и војници беа повредени.

3 carabinieri morti e una decina tra militari e agenti di polizia feriti: questo il bilancio dell’esplosione di un casolare a Castel D’Azzano, in provincia di #Verona.
Le forze dell’ordine erano intervenute per sgomberare l’abitazione… pic.twitter.com/8ze7RMvsxP

— Tg1 (@Tg1Rai) October 14, 2025

Како што беше најавено, животот го загубија поручникот Марко Пифари, карабинерот Давиде Бернардело и наредникот Валерио Дапра.

Експлозијата била толку силна, што двокатната куќа целосно се урнала врз карабинерите и војниците.

Според италијанските медиуми, куќата била полна со гас, а експлозијата била предизвикана кога била отворена влезната врата.

❌#Verona, nella notte tragica esplosione e crollo di un casolare a Castel d’Azzano, durante un’operazione di sgombero: tre carabinieri sono deceduti, estratti dalle macerie dai #vigilidelfuoco, feriti 12 appartenenti alle forze dell’ordine e una donna, 7 pompieri in ospedale per… pic.twitter.com/P8RBOFwHP8

— Vigili del Fuoco (@vigilidelfuoco) October 14, 2025

Според „Кориере дела Сера“, ова не е прв пат тројцата браќа, на возраст од околу 60 години – двајца се уапсени, а третиот се бара – да се обидат да го спречат иселувањето на ист начин.

Во октомври 2024 година, браќата повторно ја наполниле селската куќа со бензин, по што иселувањето било одложено, додека една година претходно, еден од тројцата браќа се полил со бензин и се заканил дека ќе се запали.