Фудбалерите на Баерн Минхен се нови светски шампиони откако во финалето на Светското клупско првенство кое се играше во Катар го совладаа мексиканскиот Тигрес со 1:0.

Баварците со триумфот над Тигрес, обединија дури шест различни трофеи и сега тие во своите витрини ги имаат пехарите од Бундеслигата, германскиот Куп и Суперкуп, Лигата на шампионите, европскиот Суперкуш и сега пехарот од Светското клупско првенство.

Баерн до победата над шампионот на Конкакаф зоната, дојде со голот на Бенжамин Павар во 59. минута, а многу лесно можеше да се случи да забележат и поубедлива победа, потполно доминираа од првата до последната минута.

?????? @BenPavard28 completes sextuple for dominant Bayern

? @FCBayern are #ClubWC winners! pic.twitter.com/WWGHYGSwZ9

— FIFA.com (@FIFAcom) February 11, 2021

Доминацијата на баварците најдобро се отсликува преку статистиката, фудбалерите на Ханси Флик упатија дури 19 шутеви кон голот, додека Тигрес упати само три удари.

Со победата на Баерн Минхен продолжи доминацијата на европските екипи на Светското клупско првенство, и последен пат кога тим од Стариот континент не беше шампион се случи пред девет години кога славеше Коринтијанс.

Третото место на Светското клупско првенство му припадна на египетскиот Ал Ахли кој по подобро изведување на пенали со 3:2 го совлада Палмеирас.