Тешка сообраќајна несреќа се случила вчера попладне во Србија, во која се судриле два камиони, а едниот целосно се запалил, пренесе РТС.

Според информациите, несреќата се случила вчера околу 15:30 часот на автопатот во близина на наплатната рампа „Шимановци“. Возачите на шлеперите биле извлечени од возилата и, за среќа, не се здобиле со потешки повреди.

На терен интервенирале четири противпожарни возила и две екипи на сообраќајната полиција.

Еден од шлеперите целосно изгорел, заедно со дел од товарот што го превезувал, по што сообраќајот во тој правец бил целосно запрен. Сообраќајниот застој се однесувал на делницата кон Белград, од правец на Пеќинци кон Шимановци, каде движењето на возилата било во прекин до завршување на интервенцијата и расчистување на патот.

ВИДЕО | Гас истекува на автопат во Србија по судир на два камиони — можна е експлозија