ВИДЕО | Србите и светската јавност шокирани по навредите од холивудската ѕвезда: Во Србија немаат ништо уникатно-српско бидејќи „постојат“ само 13 години
Американската ѕвезда, актерката Елизабет Олсен, една од сестрите Олсен, даде интервју за емисијата „Keeping Secrets“, во кое, меѓу другото, зборуваше и за снимањето на филм во Република Србија. Во една од изјавите таа кажа дека „нема причина некој да ја посетува Србија“, како и дека „немаат ништо уникатно – српско во Србија, бидејќи тие „постојат“ само тринаесет години“.
View this post on Instagram
„Всушност, нема ништо уникатно – српско, бидејќи тие се самостојна земја само околу тринаесет години. Тие немаат ништо свое, само присвојувале од оние кои некогаш ја окупирале нивната земја во одреден период“, изјави актерката во емисијата, истакнувајќи дека „нема причина некој да дојде и да ја посети Србија“.
Актерката снимала во Србија неколку месеци и била слободна само во неделите, зборувајќи како само тогаш имала можност да ја запознае земјата и културата на нашите соседи.
View this post on Instagram
„Интересно место. Снимавме таму 6 дена во неделата и имавме само еден слободен ден“, вели таа.
Презентерите се смееја на нејзината изјава, но притоа истакнаа дека „милиони Срби ја гледаат нивната емисија“ поздравувајќи ги своите гледачи.
Некои корисници на социјалните мрежи се најдоа навредени од овој наратив на познатата актерка, а како што велат – „таа ја навредила нивната земја и нивниот народ“.
Навредливите коментари за Елизабет Олсен подоцна се проширија на социјалната мрежа Твитер, а притоа и излезе уштe едно видео каде актерката повторно го навредува српскиот народ.