ВИДЕО | Скандал за Борац Чачак: Очекувавме победа на МЗТ Скопје, но ова е многу смешно
Со неверојатната игра во третата четвртина, која МЗТ Скопје Аеродром ја доби со фантастични 30:5, кошаркарите на Драган Николиќ дојдоа до посакуваната победа над Цибона (87:74) во последниот меч од регуларната сезона во АБА лигата, која им носи надеж за избегнување директно испаѓање од јадранската елита.
МЗТ сега има скор 7:19, односно една победа повеќе од директниот конкурент Борац Чачак, кој денеска од 19.00 часот ќе му гостува на црногорскиот Будуќност. Српскиот тим има подобар меѓусебен скор со македонскиот шампион, што значи дека мора да загуби во Подгорица за екипата од Аеродром да ја задржи посакуваната 13 позиција на табелата, што носи бараж со второпласираниот тим од АБА2 лигата.
Судбината на МЗТ е сега во рацете на Будуќност, од таборот на нашиот првак веруваат дека црногорскиот клуб ќе го даде максимумот и ќе го совлада Борац Чачак.
Нашата судбина е во рацете на Будуќност. Нашето срце е спортско и во него нема простор за никаков сомнеж. Уверени сме дека кошаркарите од Подгорица ќе дадат сѐ од себе за да победат на вечерашната пресметка, со цел да покажат дека ферплејот е вграден во нивните гени, како што чистиот образ и честа се и тоа како врежани во ДНК-то на секој Црногорец. На МЗТ Скопје Аеродром му е неопходна АБА, но истовремено и на АБА и е потребен клуб како МЗТ Скопје Аеродром – организиран, стабилен, со прекрасна арена и услови за кои повеќе од половина учесници може само да сонуваат. Исто како што ѝ треба и Македонија како држава. Затоа, вечерва нека победи кошарката во Подгорица! Нека победи подобриот на паркетот, а не надвор од него – пренесуваат од КК МЗТ Скопје Аеродром.
Neverovatan preokret MZT-a protiv Cibone.
Prvak Severne Makedonije je gubio 41:53 na poluvremenu, ali trenutno ima 75:58.
Promašaj Mazalina koji najbolje opisuje pad Cibone. pic.twitter.com/3b5EHwk5KS
— Basketball Sphere (@BSphere7) April 14, 2023
КК Борац Чачак го следаше вчерашниот меч во Скопје во кој забележаа еден момент кој според Србите е сомнителен. КК Цибона украде една топка, односно Ловро Мазалин тргна во контра, беше сам, но не успеа да реализира, на што веднаш реагираа од КК Борац Чачак.
– Очекувавме победа на МЗТ, но ова!? Вакво нешто одамна немавме прилика да видиме, дефинитивно скандал кој долго ќе го памети оваа смешна лига… Уште еднаш да повториме, АБА лигата треба да поработи околу местењето натпревари бидејќи ова беше многу смешно и очигледно – стои во објавата на КК Борац Чачак.