МЗТ Скопје успеа да слави против Цибона во денешниот натпревар во ,,Јане Сандански” со 87:74 и така ја заврши својата работа во последното коло и сега ќе чека услуга од Будуќност во борбата за опстанок во АБА лигата.

Цибона се покажа како незгоден и”ривал во првото полувреме и покрај тоа што на гостите ништо не им значеше овој натпревар, но за тоа придонесе и нервозната игра на македонскиот првак кој навистина многу грешеше во нападот.

На паузата гостите имаа убедливи 43:51. Но момците на Николиќ отворија со 13:0 во третата четвртина и со страшна серија поведоа со 54:53, а во следниот напад пристигна последното водство кое го имаше Цибона на овој натпревар.

Гостите постигнаа два поени за предност ос 54:55, по што продолжи страшната серија на разиграните „штркови“ кои тој период го добија 30:5. Во последната четвртина не дозволија да ја испуштат таa предност.

Мајк Кефи со 19 поени беше најефикасен во редовите на МЗТ, Александар Бурсач имаше 17, а 15 поени постигна Кеандре Кук, додека двоцифрен беше и Војдан Стојановски со 14 поени.