Швајцарската фудбалска репрезентација обезбеди место во осминафиналето на Светското првенство по победата од 2:0 над Алжир во Ванкувер, Канада.

Избраниците на Мурат Јакин ги контролираа случувањате на теренот од самиот почеток, а поведоа уште во 10. минута.

По добро изградена акција, мрежата на Алжирците ја затресе Брил Емболо по асистенцијата на Јохан Манзамби.

Швајцарците ги решија сите дилеми околу победникот на почетокот на второто полувреме. Се играше 46. минута кога Дан Ндоје постигна гол за 2:0, негов прв на Мундијалот.

Алжир се обиде веднаш да одговори, а опасниот удар на Марез во 49. минута заврши блокиран. Швајцарците ја имаа својата најдобра шанса за трет гол во 81. минута, кога Денис Закарија го пронајде Фабијан Ридер, но неговиот удар од непосредна близина го одбрани голманот Лука Зидан.

До крајот на натпреварот, Швајцарците ја одржуваа својата предност без поголеми проблеми, не дозволувајќи му на Алжир сериозно да го загрози нивниот гол.

Швајцарија ќе игра со подобриот тим од дуелот Колумбија – Гана во осминафиналето на 7 јули исто така во Ванкувер.