Дел од неодамна отворен голем мост се урна вчера во југозападната кинеска провинција Сечуан, по должината на Националниот автопат 317 што ја поврзува земјата со Тибет, но немаше извештаи за жртви.

Според Ројтерс, полицијата во градот Маерканг го забранила пристапот до мостот Хонгки, долг 758 метри, во понеделникот попладне, откако се појавиле пукнатини на блиските падини и патишта, а било забележано и поместување на планинска страна, според локалната самоуправа.

The Hongqi Bridge in Shuangjiangkou, Sichuan Province, China, partially collapsed today. Authorities believe that cracks in the nearby mountainside — likely caused by water accumulation from a nearby reservoir — played a major role in the incident. pic.twitter.com/v1bdbj5KLJ

— Weather Monitor (@WeatherMonitors) November 11, 2025

Пристапниот мост и трасата се урнале, предизвикувајќи лизгање на земјиштето.

Изградбата на мостот била завршена претходно оваа година, според видео објавено на социјалните медиуми од страна на изведувачот „Сичуан Роуд енд Бриџ Груп“.