Лидерот на албанските демократи Сали Бериша денеска беше нападнат за време на протестот што се одржува во Тирана, каде се одржува Самитот ЕУ-Западен Балкан.

31-годишен маж се издвои од толпата и го удри Бериша со тупаница во главата. Според првичните информации, активистите и симпатизери на Демократската партија го фатиле и го претепале напаѓачот, кој е пренесен во болница.

Бериша, иако беше удрен во лицето, излезе на говорницата и ги поздрави учесниците велејќи „ништо на светот нем да го порази народот и опозицијата”.

Former Prime Minister and Leader of the Opposition #SaliBerisha was physically assaulted in the #Protest that the Opposition is organizing today in #Tirana. A few meters away, the #EUWB #Summit is being held#Albania pic.twitter.com/MPpErZAASb

— Isa Myzyraj (@IsamyzyrajAlb) December 6, 2022

-Ништо на светот не може да нè победи нас, луѓето на опозицијата, луѓето на победата. Долу Еди Рама, долу криминалците, ќе победиме. Да живее албанската опозиција. Голема почит што сте овде денеска за да протестирате против режимот на криминалците. Ви благодарам многу.

Протестот се одржува во близина на хотелот „Дајти”, а учествува и лидерот на Партијата на слободата Илир Мета.

Демонстрантите не се обидоа да го пробијат полицискиот кордон и оградата која е поставена на булеварот „Народни херои”, каде целосно е забрането движењето.

Учесниците извикуваат “Рама оди си”, „Рама мафија” а оние кои се обратија кажаа дека не се против ЕУ туку за и оти ова е начин да им ја кажат на европските лидери вистината за Албанија “заробена од мафијата предводена од Рама”.

Како во шпионски филм: Иранските хакери знаат кој е напаѓачот на Бериша и ќе објават