Американската војска вчера објави дека извршила напади врз уште два моторни чамци за кои постои сомневање дека транспортираат дрога во источниот Тихи Океан, при што загинале три, односно две лица, кои ги опишала како „наркотерористи“, пренесува Ројтерс.

„Вкупно петмина наркотерористи беа убиени во овие акции – тројца на првиот брод и двајца на вториот“, соопшти Здружената команда на САД одговорна за Јужна Америка (SOUTHCOM) преку Икс, придружувајќи ја објавата со компилација од декласифицирани видеа од двата напади, во вкупно траење од 30 секунди.

On Dec. 18, at the direction of @SecWar Pete Hegseth, Joint Task Force Southern Spear conducted lethal kinetic strikes on two vessels operated by Designated Terrorist Organizations in international waters. Intelligence confirmed that the vessels were transiting along known… pic.twitter.com/CcCyOgYRto

— U.S. Southern Command (@Southcom) December 19, 2025

Од септември, американските вооружени сили започнаа десетици вакви бомбардирања во Карибите и Пацификот, во кои најмалку 104 лица ги загубија животите – според најавите на Вашингтон – без никогаш да презентираат докази дека целните бродови биле вклучени во нелегални активности.

Експертите и ОН ја доведуваат во прашање легалноста на овие операции.

ВИДЕО | Најмалку четворица загинати во нов американски напад врз глисер во Пацификот