На бојното поле на кое доминираат дроновите, а по извештаите за удари на руските сили врз украинските позиции со мотоцикли и електрични тротинети, се појави ново видео на кое се гледа дека Русите имаат нова тактика – напаѓаат на коњи, објави „Forbes“.

Украинските оператори на дронови успеале да снимат тројца коњаници, а снимката ја објавиле припадници на 5. баталјон од 92. јуришна бригада на Украинските вооружени сили на социјалните мрежи.

На снимката се гледа како руски војник на коњ јава преку поле додека го следи украински дрон. Неколку моменти подоцна, дронот го погодува. Експлозијата, како што се гледа на другата снимка, го исплашила вториот коњ, кој од страв го исфрлил војникот, додека судбината на третиот коњаник засега е нејасна, пишува „Форбс“.

An enemy assault with horses.
This incident was recorded by our drone operators. And the occupiers were destroyed.

📹:92nd Assault Brigade pic.twitter.com/MiN0JUT76I

— Defense of Ukraine (@DefenceU) December 22, 2025

Руските окупатори толку брзо ја губат опремата во нивната тактика „мелница за месо“ што се приморани да напаѓаат на коњи. Но ни тоа не им помага – операторите на дронови од 5. јуришен баталјон на 92. одделна јуришна бригада го „неутрализираат“ непријателот штом ќе го забележат – се наведува во соопштението на украинската бригада, пренесува „Киев Пост“.

Првпат видено во Украина

Анатолиј Ткаченко, командант на украинска артилериска батерија од 92. бригада, вели дека првпат виделе нешто вакво. Според неговите претпоставки, наместо возила биле избрани коњи веројатно затоа што се движат потивко и подобро се снаоѓаат во калта.

– Ги уништивме кога напаѓаа на мотоцикли, а сега, поради калта, постојано паѓаат и моторите им се расипуваат. Има многу фактори кои влијаат на тоа – објаснил Ткаченко.

Димко Злуктенко, оператор на дронови од 413. одделен баталјон за беспилотни системи, рекол дека украинските сили сè почесто пресретнуваат руски единици многу пред да стигнат до фронтот.

Користењето коњи не е само импровизација. Во октомври 2025 година, рускиот дневен весник „Комерсант“ извести дека руската армија истражува повторна употреба на коњица во јуришни единици на украинскиот фронт.

Russian assault groups increasingly use motorcycles when attacking AFU troops. The reason is the motorcycles speed and maneuverability offer some protection from FPV drones and direct and indirect fires and allows rapid advance on AFU positions. pic.twitter.com/fDPC7clN5V

— David Crosby (@DavidCr61218954) October 15, 2024

Весникот опиша обуки во Централниот воен округ на Русија, вклучително и експерименти во кои двајца војници јаваат еден коњ пред да слезат и да нападнат.

„Комерсант“, сепак, нагласил дека секое враќање на коњицата би било ограничено и главно симболично. Коњите нудат маргинални предности на терен каде возилата лесно се детектираат.

Русите остануваат без оклопни возила?

Од друга страна, до април тековната година исцрпеноста на рускиот возен парк станала сè поочигледна, пишува „Форбс“.

Намаленото присуство на оклопни возила на бојното поле, во комбинација со сè поголемата зависност од цивилен транспорт – вклучувајќи мотоцикли, голф колички и комбиња – укажувало на постепен пад на маневарските способности на руската армија, според Татаригамии, основач на аналитичката група „Frontelligence Insight“.

Украина, исто така, се соочува со недостиг од камиони, пик-ап возила и оклопен транспорт поради заканата од дронови.

Според пишувањето на „Би-Би-Си“, шефот на системот за беспилотни летала во 7. корпус на украинската армија изјавил дека околу 90 отсто од снабдувањето на првата линија на фронтот во Покровск сега се врши преку беспилотни копнени возила.

Офанзивните операции, исто така, станале потешки поради размерите на дронското војување во Украина. Големите маневарски операции, кои некогаш биле суштински за механизираното војување, сега е тешко да се прикријат и уште потешко да се одржат.