ВИДЕО | Рајан Рејнолдс сними реклама со првата глумица создадена со вештачка интелигенција
Тили Норвуд е првата актерка создадена со помош на вештачка интелигенција, а целта на нејзините креатори е да ја направат следната Скарлет Јохансон или Натали Портман…
Препорачано
Ова е Тили Норвуд. Филмаџиите ги воодушеви, глумците се побунија, а таа не е вистинска
Во новата реклама за Mint Mobile, популарниот холивудски актер Рајан Рејнолдс се најде „рамо до рамо“ со Тили и предизвика вистинска бура на интернет.
Mint Mobile, мобилниот оператор во сопственост на Рејнолдс, ја искористи Тили како симбол на новата ера на дигитална реалност во која линијата помеѓу реалното и вештачкото речиси исчезнува. Рекламата го прикажува Рејнолдс како претставува „вистински корисник на Mint Mobile“, поканувајќи ја Тили да му се придружи пред камерата.
Со карактеристичниот хумор тој ја прашува: „Вистинска си, нели?“, на што Тили вешто одговара: „Барем до некаде“.
Со изборот да застане покрај Тили, популарниот актер им го сврте грбот на многу колеги кои сметаат дека вештачки генерираната актерка е голема опасност за заедницата. Имено, тие веруваат дека креативноста е ориентирана кон човекот и треба да остане ориентирана кон него.
