Ураганот „Дана“ и обилните дождови предизвикаа големи поплави во Шпанија. Тројца луѓе загинаа, а двајца се водат за исчезнати. Метрото во Мадрид беше под вода, а во прекин е и железничкиот сообраќај.

Во текот на денот на социјалните мрежи се ширеа драматични видеа од цела Шпанија, а едно од највознемирувачките е од метрото во Мадрид. На социјалната мрежа Твитер (платформа Х), патниците на метрото објавиле  морничава глетка како вода се слева по вратата и навлегува во вагонот со голема брзина.

Heavy floods hit Madrid Metro.

Le Mumbai Local : bus itne mein hawa nikal gayi! ?? pic.twitter.com/4HT9GSP9ro

— The Poll Lady (@ThePollLady) September 4, 2023

Невремето викендов ја зафати речиси целата земја, а најобилните врнежи се забележани во неделата во крајбрежните провинции Кадиз, Тарагона и Кастело, соопшти Државната метеоролошка агенција.

Денес беа испратени хеликоптери за да ги спасат луѓето кои побараа засолниште на покривите на нивните домови во централниот град Толедо, на околу 50 километри југозападно од Мадрид.

Ненадејните дождови ги претворија улиците во реки од кал, влечејќи автомобили и канти за ѓубре во областите на Мадрид, Кастиља-Ла Манча, Каталонија и Валенсија.