ВИДЕО| Проф. Методи Хаџи Јанев: Приватниот сектор во Македонија има ниска култура во вложувања за сајбер безбедност
Македонија има мала култура на вложувања во сајбер безбедноста особено во приватниот сектор. Тука сакам да истакнам дека кога се зборува за безбедност особено во фирмите, сопствениците тоа го гледаат како барикада во напредокот за нивното напредување и развиток. Тоа до некаде е и оправдано бидејќи не се единствени, бидејќи генерално во светот во бизнисот сите се ориентираат на профит но не на заштита. Ова го истакна универзитетскиот професор Методи Хаџи -Јанев во Зум разговор при гостување во емисијата „Утрински печат“.
Хаџи Јанев кој престојува во Љубљана на симпозиумот за истражување на безбедноста во сајбер просторот организиран од американскиот Стејт Департмент, истакна дека само паметните бизнисмени и оние кои што се добро етаблирани вложуваат во алатки кои им ги гарантираат информациите на кои им е заснован профитот и работата на компаниите.
– Инвестирањето во безбедноста не е гол трошок туку на долг период тоа може да биде исплатлив и важен чекор. Она што можам да го истакнам е дека најнапредните компании во Македонија кои вложуваат во безбедноста е банкарскиот сектор, бидејќи таму има најголема флексибилност и најголема децентрализираност на менаџментот во градењето на капацитетите од одбрана од сајбер безбедноста – истакна професорот Хаџи – Јанев.
Универзитетскиот професор зборуваше и за аферите каде домашни софтверски фирми се вмешани во хајтек шпиунажа, за случувањата во Пацификот и провокациите во воздушниот простор на Јужна Кореја од страна на Русија и Кина но и за последните воени дејствија на боиштата во Украина.
Повеќе од разговорот со Хаџи-Јанев погледнете во видеото во продолжение.