Критичарите се воодушевени од новиот биографски филм на Софија Копола за Присила Присли и нејзиниот брак со Елвис. Биографската драма „Priscilla“ е адаптирана од мемоарите на вдовицата.

Филмот беше премиерно прикажан на филмскиот фестивал во Венеција, публиката била воодушевена и го наградила филмот со 7-минутни овации, објави „Дедлајн“ (Deadline).

Priscilla Presley thanked the audience as Sofia Coppola’s biopic of her life received a more than 7-minute ovation at #Venezia80 pic.twitter.com/pYg45wqcWE

— Deadline Hollywood (@DEADLINE) September 4, 2023

Критичарите исто така имаат одлични впечатоци и го оценија филмот со совршена оценка од 100 отсто на „Ротен томатос“ (Rotten Tomatoes).

Марлоу Стерн од „Ролинг Стоун“ го опиша филмот: „Транспарентно, срцепарателно патување во мрачното срце на славните. Ова е најдобриот филм на Софија Копола од „Lost in Translation“.

Ричард Лосон од „ Венити фер“ (Vanity Fair) додаде: „Чувствителен и нежен поглед на една млада жена која се буди од сон и се соочува со реалниот живот“.

Филмот „Priscilla“ треба да излезе на 27 октомври во кината во САД, а потоа ќе пристигне и во Европа.

Присила Присли на вчерашната конференција по повод премиерата на филмот на филмскиот фестивал во Венеција одговори дали била интимна со Елвис Присли кога имала 14 години, со оглед на тоа што тогаш го запознала пејачот кој бил 10 години постар, а имајќи ги предвид неговите бизарни навики.

Поранешната сопруга на Елвис Присли повторно изјави дека тоа не се случило. Таа тврди дека нивната врска на почетокот не била сексуална. Таа на Фестивалот во Венеција истакна дека го привлекла познатиот пејач затоа што знаела да го слуша и дека знаел дека може да и каже се, се што му паѓа на ум. Затоа продолжиле да се гледаат откако тој се вратил во Америка откако служел војска во Германија каде се запознале.

Присила Присли, која присуствуваше на премиерата на филмот со режисерката Софија Копола , изјави дека Елвис Присли е љубовта на нејзиниот живот и дека ја привлекувал дури и откако се разведоа.