Еквадорскиот претседател Даниел Нобоа пријави нов обид за атентат врз него. Тој за Си-eн-eн изјави дека имало обид за атентат врз него со отровни чоколади и џем што содржеле „три хемиски производи“ и му биле дадени за време на јавен настан, пренесува Франс 24.

Присуството на три хемиски компоненти „во висока концентрација не можело да биде ненамерно“, рече Нобоа за време на интервју за Си-eн-eн, додавајќи дека „поднесовме тужба“ и „презентиравме докази“ конкретно за „концентрацијата на трите хемиски производи“.

Нобоа, исто така, се осврна на нападот врз неговата колона пред две недели, зборувајќи за импровизирани ракети, молотови коктели и камења.

Како што рече, „една од овие ракети ве погодува во градите или во главата и ве убива. Ова, било каде во светот против претседателска колона, би било класифицирано како напад“.

#ATENCION | Durante la entrevista con CNN, el presidente @DanielNoboaOk relató los ataques que sufrió su caravana presidencial en Imbabura y Cañar, mientras transportaba ayuda humanitaria. Noboa destacó que los ataqu3s incluyeron coh3tes caseros, b0mb4s molotov y lanzamiento de… pic.twitter.com/BbhyG0ijsA

— CENTRO Digital (@radiocentroec) October 24, 2025