Кога ќе се спомене името на Шенка Колозова, прва асоцијација се „Македонските народни приказни“, кои не би биле исти без нејзиниот ведар дух, топлина и неповторлив талент. Иако нејзиниот лик и дело ги знае речиси секој Македонец, малкумина се оние кои ја знаат приказната за нејзините корени и за местото каде што сè започнало.

На официјалната фејсбук-страница – Ѓорѓи Колозов, е споделено видео од родното место на Шенка. Оваа емотивна објава ни овозможува редок поглед во интимата на актерката, враќајќи нè назад во времето кога таа била само едно мало девојче со големи соништа.

Животната приказна на Шенка започнува на 1 февруари 1947 година, во малото и живописно село Добрево, Пробиштипско. Родена во семејството на Стоица и Катерина Димитрови, подоцна Станојкови, Шенка токму во овој амбиент ги поминала своите детски денови. Токму тие прашливи улички и автентичната селска архитектура веројатно биле првата инспирација за љубовта кон македонската традиција која таа подоцна толку верно ја пренесуваше на сцената.

На видеото можат да се видат темелите на нејзината родна куќа кои сè уште сведочат за едно време.