Фудбалската репрезентација на Македонија вечерва го одработи последниот тренинг пред утрешниот исклучително важен натпревар против селекцијата на Казахстан, во рамките на квалификациите за Светското првенство 2026.

„Црвено-жолтите“ се наоѓаат на врвот на табелата во својата група и ќе се обидат со нов триумф да ја задржат лидерската позиција до ноември, кога ќе се играат последните два натпревари од квалификацискиот циклус. Во моментов, Македонија има бод повеќе од Белгија и два повеќе од Велс, што значи дека само победа гарантира останување на врвот.

Иако Казахстан важи за еден од послабите ривали во групата, селекторот Благоја Милевски денеска нагласи дека воопшто нема место за потценување и најави дека неговите избраници ќе влезат максимално фокусирани и мотивирани во пресметката.

Натпреварот се игра утре на Градскиот стадион во Скопје со почеток од 20:45 часот, а главен судија ќе биде Шпанецот Хуан Мартинез Мунуера.

Преземено од: Спорт.ком.мк

Милевски: Секој следен натпревар е најважен, Казахстан има нов селектор и нова филозофија