Интересна сцена е забележана денеска на булеварот „Партизански одреди“ во Скопје – според читателот на „Слободен печат“ кој ни ја испрати снимката, двајца полицајци пред костурот на некогашната Универзална сала казнувале пешаци, велосипедисти и возачи на тротинет кои го поминувале булеварот со слушалки во ушите, во согласност со новиот пропис, воведен пред неколку месеци.

Но, на видеото, за кое читателот вели дека е снимено непосредно откако полицајците завршиле со казнувањето, се гледа како едниот од нив го прави токму прекршокот за кој само неколку минути претходно казнувал луѓе – тој го држи телефонот во рака и на увото, додека поминува на истиот пешачки премин.

Ова не е првпат органите на редот, задолжени за санкционирање на прекршоци во сообраќајот, да бидат самите уловени како ги прават истите прекршоци. Само неколку недели по стапувањето во сила на новите прописи поврзани со телефоните и слушалките, двајца полицајци беа снимени како поминуваат на пешачки премин во Скопје додека гледаат во телефон или активно зборуваат, држејќи го на увото.

Нема казна за пешаци и велосипедисти со слушалка на едно уво?