Жителите на најголемиот град во Јужна Африка, Јоханесбург, беа запрепастени од првиот снег кој ги изненади по повеќе од една деценија. Голем број деца од овој град за прв пат во својот живот се израдуваа на снег, пишува „Гардијан“.

Додека делови од Јужна Африка редовно добиваат снег над јужната хемисфера во овој период од годината, Јоханесбург последен пат виде снег во август 2012 година.

A cold front that has struck South Africa's Gauteng province brough snowfall to Johannesburg for the first time since 2012 https://t.co/qKwOdBkDlR pic.twitter.com/37lRbgJU7f

— Reuters (@Reuters) July 11, 2023

Една жена во центарот на градот изјавила за „Ројтерс“ дека била бремена последниот пат кога паднал снег во Јоханесбург.

„По единаесет години, возбудливо е што имаме снег“, рекла таа.

На социјалните мрежи жителите на Јоханесбург го опишаа снегот како „чиста магија“ и „прекрасен почеток на неделата“.

People in South Africa's Johannesburg were delighted by a rare snowfall despite their 'freezing butts.' ❄️https://t.co/QVcwByj8Be pic.twitter.com/0n6pmOwe5Q

— DW News (@dwnews) July 11, 2023

Професорката по физичка географија на Универзитетот во Витвотерсранд, Џенифер Фичет за јужноафриканскиот весник „Тајмс“ изјави дека снегот веројатно нема да потрае, а бил предизвикан од напливот на влажност, ниските температури и студениот ветер.

„Тоа се случува еднаш на секои 10 години или слично. Ние не сме област во која има многу снежни врнежи и тоа е делумно затоа што во зима имаме суви услови. Ние ретко гледаме и дождови во зимските месеци. И затоа немајте многу влага во воздухот“.

Последен пат во Јоханесбург паднал снег во 2012 година, а пред тоа во 2007 година.

Во просек, снегот во Јоханесбург паѓа еднаш на секои пет години, а пообилниот снег како оној што е забележан сега се случува еднаш на секои 10 до 20 години, изјави професорот по климатологија на Универзитетот во Витвотерсранд, Франсоа Енгелбрехт за информативната веб-страница на „Дејли Маверик“.