Гувернерот на државата Рио де Жанеиро, Клаудио Кастро, вети дека ќе му возврати на организираниот криминал откако паравоените гангстери извршија напад без преседан на јавниот транспортен систем во Рио, запалувајќи десетици возила во, како што политичарот ги нарече „акти на тероризам“. Криминалците наводно запалиле најмалку 36 автобуси, четири камиони и воз, во еден од најголемите криминални напади во историјата на Рио, пренесува Гардијан.

Нападите, наводно, биле како одмазда за полициското убиство на висок водач на паравоена банда по име Матеус да Силва Резенде. „Тој беше познат како „Господар на војната““, изјави десничарскиот гувернер на Рио на вонредната прес-конференција вчера вечерта. Ерупцијата на насилство, драматична дури и за земја која со децении се бореше со криминал кој одзема илјадници животи секоја година, доведе до застој во делови од најпознатиот бразилски град и принуди да се затворат најмалку 45 училишта.

O Rio de Janeiro viveu nesta segunda-feira, 23, um dos maiores ataques criminosos de sua história, com 35 ônibus incendiados. A polícia atribui os ataques à ação de milicianos. Clique abaixo para ver o vídeo: pic.twitter.com/gCwibSQZZu

— O Antagonista (@o_antagonista) October 23, 2023

Нападите наводно се случиле во најмалку девет различни области – Космос, Кампо Гранде, Инхоаиба, Гуаратиба, Мадуреира, Пасиенсија, Санта Круз, Сепетиба и Рекреио дос Бандеирантес – дом на околу еден милион луѓе.

Já temos nosso próprio terrorismo no Brasil. Hoje no Rio de Janeiro, dezenas de ônibus incendiados. Passamos 4 anos sem MST, greves e atos de terrorismo como os de hoje no Rio de Janeiro. pic.twitter.com/GNAJYiEdia

— Bia Kicis (@Biakicis) October 23, 2023

Владините претставници и медиумските извештаи го припишуваат насилството на милициите, политички поврзани групи во мафијашки стил кои презедоа контрола врз огромни делови од Рио во изминатите две децении.

Brasil – Rio de Janeiro

Guerra na Zona oste do Rio.pic.twitter.com/iDPY3twozd

— Alerta Mundo (@AlertaMundo_) October 23, 2023

Гувернерот Кастро рече дека 12 криминалци биле уапсени во врска со нападите и ќе бидат обвинети за „терористички дела“. „Не се сомневам дека утре ќе биде многу поуреден и помирен ден“, им рече тој на новинарите, ветувајќи дека ќе се бори жестока против таквите криминалци, „24 часа на ден, седум дена во неделата“. „Злото нема да триумфира над доброто“, рече Кастро, предупредувајќи ги организираните криминални групи да не се осмелуваат да ја предизвикаат државата.

Насилството започна неколку часа по пукањето на Резенде (24), за кој се вели дека е внук на еден од најозлогласените криминални босови во Рио, Луис Антонио да Силва Брага, паравоен командант со прекар Зињо. Резенде, наводно, бил убиен за време на полициска операција во Трес Понтес, фавела која е озлогласено упориште на милицијата.